ფილმის «და ჩვენ ვიცეკვეთ» მსახიობი მინსკის კინოფესტივალზე საუკეთესო მსახიობ მამაკაცად დასახელდა

მინსკში კინოფესტივალზე საუკეთესო მსახიობ მამაკაცად ლევან გელბახიანი დასახელდა, – ამის შესახებ განცხადებას ” ეროვნული კინოცენტრი” ავრცელებს.

“სულ რამდენიმე წუთის წინ მინსკი ქართულმა კინომ დაიპყრო!

კინოფესტივალზე “LISTAPAD” ქართველ კინემატოგრაფისტებს ოთხი ჯილდო გადაეცათ:

საუკეთესო სცენარი – დიმიტრი მამულიას ფილმი “ბოროტმოქმედი”;
საუკეთესო მსახიობი ქალი – სალომე დემურია დიმიტრი ცინცაძის ფილმისთვის “ჩაისუნთქე-ამოისუნთქე”;
საუკეთესო მსახიობი მამაკაცი – ლევან გელბახიანი ლევან აკინის ფილმისთვის “და ჩვენ ვიცეკვეთ”;
საუკეთესო მუსიკა – დიმიტრი მამულიას ფილმი “ბოროტმოქმედი”;

ეროვნული კინოცენტრი ულოცავს გამარჯვებულებს!”,- წერია განცხადებაში.

მინსკის რიგით ოცდამეხუთე საერთაშორისო კინოფესტივალზე ერთი კვირის განმავლობაში 50 ქვეყნიდან 154 ფილმი აჩვენეს.

ლევან გელბახიანი შვედი რეჟისორის, ლევან აკინის ფილმის “და ჩვენ ვიცეკვეთ“ (And Then We Danced) ერთ-ერთი მთავარი გმირია.

კომენტარები

კომენტარი