სექსუალურ ძალადობაში დადანაშაულებული დეპუტატი: თავს დამნაშავედ არ ვცნობ

საკრებულოს ბრალდებულმა დეპუტატმა, ილია ჯიშკარიანმა სასამართლო პროცესზე განაცხადა, რომ თავს დამნაშავედ არ ცნობს. მისი საქმის განხილვა ამ წუთებში მიმდინარეობს.

ცნობისთვის, ისნის რაიონის საკრებულოს მაჟორიტარ დეპუტატ ილია ჯიშკარიანს, 2019 წლის 30 სექტემბერს, მისი წარმომადგენლობითი ბიუროს სპეციალისტის, თამთა თოდაძის მიმართ განხორციელებული სექსუალური ხასიათის სხვაგვარი ქმედებისა და ცემის ფაქტზე ბრალდება წარედგინა.

ჯიშკარიანს აღკვეთის ღონისძიების სახით 10 000-ლარიანი გირაო შეეფარდა. ამას გარდა, მას აეკრძალა თანმშრომლებთან კომუნიკაცია, რომლებიც საქმეზე მოწმის სახით უნდა დაიკითხონ.

კომენტარები

კომენტარი