ზურაბ აბაშიძე: თუკი რუსეთთან ავიამომოსვლა აღდგება, ამას ჩვენ მივესალმებით

გასული წლის ნოემბერში, როდესაც ჩვენ პრაღაში კარასინთან გვქონდა შეხვედრა მოვისმინეთ კომენტარი, რომ მოსკოვში განიხილება საკითხი ავიარეისების აღდგენის შესახებ, მაგრამ კონკრეტული თარიღები არ დასახელებულა, – ასე გამოემაურა ემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე ჩრდილოეთ ოსეთის ხელისუფლების ინიციატივას, რომლის მიხედვითაც ვლადიკავკაზსა და თბილისს შორის ავიარეისები უნდა დაინიშნოს.

აბაშიძის თქმით, თუ ავიამიმოსვლა აღდგება, ეს მისასალმებელია.

“რუსეთის პრეზიდენტის განკარგულება იყო საქართველოსთან პირდაპირი ავიარეისების დროებით შეჩერების შესახებ გადაწყვეტილება. შემდეგ გასული წლის ნოემბერში, როდესაც ჩვენ პრაღაში გვქონდა შეხვედრა მოვისმინეთ კომენტარი, რომ მოსკოვში განიხილება საკითხი ავიარეისების აღდგენის შესახებ, მაგრამ კონკრეტული თარიღები არ დასახელებულა. თუკი ავიამომოსვლა აღდგება, რასაც ჩვენ მივესალმებით, ამის შემდგომ შესაბამისი სააგენტოებისა და კომპანიების გადასაწყვეტია, თუ რა მარშუტები იქნება,” – განაცხადა ზურაბ აბაშიძემ.

ჩრდილოეთ ოსეთის ხელისუფლება ვლადიკავკაზსა და თბილისს შორის ავიარეისების დანიშვნის ინიციატივით გამოდის. როგორც რუსული მედია წერს, აღნიშნულის შესახებ ჩრდილოეთ ოსეთის რესპუბლიკის მრეწველობისა და ტრანსპორტის მინისტრმა ჰაიდარ-ბეკ ბუტოვმა განაცხადა.

მისი თქმით, ავიამარშრუტის დანიშვნის იდეას საქართველოს და ჩრდილოეთ ოსეთის აეროპორტების, ტუროპერატორებისა და შესაბამისი უწყებების წარმომადგენლები მხარს უჭერენ.

კომენტარები

კომენტარი